https://imengine.public.prod.agp.infomaker.io/?uuid=b3fe85b7-7c19-56d5-adb1-19da5e81f57b&function=fit&type=preview&source=false&q=75&maxsize=112&scaleup=1

 

 

 

 

 

Jorun eig fem bibelbutikkar men gjekk sjølv i ti år utan å opna Bibelen

 

 


https://image.dagen.no/1467304.webp?imageId=1467304&x=0.00&y=0.00&cropw=100.00&croph=100.00&width=960&height=720&format=jpg

 

DÅRLEG SAMVIT: Jorun Eiane Brunstad var aktiv i kyrkja og trudde det som stod i Bibelen var sant, men ho orka ikkje tanken på å lesa i Bibelen.Foto: Alice Tegle

– Eg tenkte heile tida at eg burde vore annleis, seier grunnleggjar av Bibelbutikken, Jorun Eiane Brunstad.

 

Alice TegleJournalist

Publisert 21.09.25 - 05:00

Dagen møter den pensjonerte bibelbokhandlaren på ein gammal husmannsplass i Erfjord i Indre Ryfylke. Etter ti år med vandring i eit andeleg ingenmannsland, var det her det skjedde – hendinga som var med å endra forholdet hennar både til trua og Bibelen.

– Her kjenner eg Guds fred, seier ho, medan ektefellen Helge går inn for å henta kaffi.

 

https://image.dagen.no/1481541.webp?imageId=1481541&x=0.00&y=0.00&cropw=100.00&croph=100.00&width=960&height=720&format=jpg

 

Den mannen er eit bønesvar, meiner Jorun.

Mista trua

Brunstad vaks opp i ein kristen heim på fruktgarden Eiane ved Jøsenfjorden i Ryfylke.

Trua er ein naturleg del av henne. Men i vaksen alder skjedde noko som gjorde at trua gradvis forsvann.

 

https://image.dagen.no/1467308.webp?imageId=1467308&x=0.00&y=0.00&cropw=100.00&croph=100.00&width=960&height=720&format=jpg

 

Som nyutdanna sjukepleiar opplevde ho unge menneske døy på hennar vakt, fleire gonger. Jorun hugsar dødsfalla og kjensla av maktesløyse.

Ho hadde jo utdanna seg til sjukepleiar for å hjelpe. Nå stod ho ordlaus, ansikt til ansikt med pårørande.

«Viss Jesus hadde vore her, hadde han gripe inn. Då hadde han ikkje leite dei menneska døy», tenkte ho.

Ho var ikkje sint på Gud og avviste ikkje at det som stod i Bibelen var sant, men gradvis slutta ho å lesa i Bibelen. Litt etter litt forsvann bønene og. 

Gud kjendest fjern og irrelevant.

Sa det ikkje til nokon

Jorun gjekk i bibelgruppe, men mangla ord for å skildra det som føregjekk på innsida.

 

https://image.dagen.no/1481536.webp?imageId=1481536&x=0.00&y=0.00&cropw=100.00&croph=100.00&width=960&height=720&format=jpg

 

Men ein dag på jobb kom tapet av trua til overflata likevel, då ho fekk spørsmål om å utføra ein nauddåp på jobb som sjukepleiar, i tilfelle presten ikkje rekte fram i tide.

Då fekk Jorun panikk. Ho visste at det var umogleg for henne å døypa.

– Det ville vore hykleri.

Presten nådde fram i tide. Babyen døydde som nydøypt, men inni seg kjende Jorun seg tom. 

Den vesle barnet var borte. Det var trua hennar og.

Stilte ultimatum til Gud

«Viss det finst ein Gud skal han få eitt års sjanse til å visa seg», sa ho ut i lufta ei søvnlaus natt.

Det skjedde spontant. Jorun trur ikkje det var hennar eigne ord.

– På den tida var eg ikkje i stand til å be. Det må ha vore frå Gud.

Jorun dvela ikkje meir ved hendinga. Bibelen sto stadig og samla støv i bokhylla. Likevel blei bøna den natta eit vendepunkt.

Såg Jesus i døden

Innan året var omme braut Jorun opp frå venene i Finnmark og sette kursen mot hovudstaden, på diakonistudiar på Lovisenberg. 

– Eg stortrivest i Hammerfest, det var ingen grunn til at eg skulle reise derifrå, så det luktar jo Gud, seier Jorun i dag.

 

https://image.dagen.no/1481516.webp?imageId=1481516&x=0.00&y=0.00&cropw=100.00&croph=100.00&width=960&height=720&format=jpg

 

Under eit praksisopphald i India og Nepal besøkte ho misjonær Olav Hodne sitt arbeid i Calcutta. Han var nær venn av Moder Theresa, og Jorunn fekk besøka heimen hennar for døyande.

Heimen var full av døyande menneske som nonnene hadde plukkar opp i lastebil frå gata, kvar dag. 

Det var ingen helsepersonell til stades, ingen familiemedlemmar, berre nonnene som gjekk lydlaust mellom sengene til dei 60 kvinnene der inne, alle døyande.

Jorun var der inne berre nokre minutt. Opplevinga var likevel livsforvandlande.

– Den freden som var der inne, heilt utan intravenøst og smertestillande går ikkje an å skildra med ord.

– Då skjøna eg at det må vera noko større bak det dei held på med, fortel Jorun.

Den første bøna etter ti år

Det blei eit før og etter opplevingane under praksisen i India og Nepal. Det skulle likevel gå lang tid før ho opna Bibelen og begynte å be igjen, sjølv om ho arbeidde som diakon i kyrkja og var aktiv i kyrkjelyden.

Frå det kristelege studentlaget hadde ho høyrt mykje om disiplin i bibellesinga, om å stå opp tidleg og lesa, uansett om ho ikkje hadde lyst.

– Eg tenkte heile tida at eg burde vore annleis og bli flinkare til berre å lesa i Bibelen, sjølv om eg ikkje kjende behov for det.

https://image.dagen.no/1457772.webp?imageId=1457772&x=0.00&y=0.00&cropw=100.00&croph=71.67&heightx=0.00&heighty=0.00&heightw=100.00&heighth=100.00&width=712&height=322&format=jpg

Berit Kathrine hadde mista trua både på Gud og ekteskapet

 

Ordet frå soknepresten i Bekkefaret blei eit vegskilje, etter at ho flytte til Stavanger og starta som kyrkjelydssjukepleiar.

– Eg vil læra og visa deg den vegen du skal gå, siterte han frå Salme 23,8.

Seinare kom Jorun over ei oppslått andaktsbok hos ein pasient, som ho besøkte på jobb i heimesjukepleia.

«Be om kva du vil i Jesu namn, så kan du få det», stod det.

Den kvelden gjekk ho ut av leilegheita og falda hendene i bøn.

«Helge vil eg ha, i Jesu namn», bad ho.

Det blei første bøna på ti år.

– Såg Jesus på hytta

Året etter var dei to gift og etter eit langt samliv saman står han der, bønesvaret til Jorun, og serverer melon i sommarvarmen.

 

https://image.dagen.no/1481509.webp?imageId=1481509&x=0.00&y=0.00&cropw=100.00&croph=100.00&width=960&height=720&format=jpg

 

Dei to har brukt mykje tid på å ta vare på den gamle husmannsplassen. Minna sit i veggane, somme sterkare enn andre.

Jorun mimrar tilbake til hausten 1998.

Ho skal akkurat til å setta seg ned med ein kropp te til tonane av Händels Messias, meisterverket om då Gud blei menneske, då ho plutseleg ser Jesus rett framfor seg. 

– Det var heilt fysisk. Eg såg rett inn i auga til Jesus. Han heng på korset.

Jorun blir helt sette ut.

– Det er fullbrakt, opplever ho Jesus sei til henne.

«Men dette er jo 2.000 år sidan», svarer ho lydlaust, inni seg.

– Livet på jorda er snart fullbrakt. Eg treng deg, Jorun.

Ho lukka auga. Da ho opna dei igjen var Jesus borte.

Fekk nytt forhold til Bibelen

Først då byrja Jorun å børsta støvet av Bibelen. Då har ho har i fleire år vore kyrkjelydsdiakon i Synde kyrkjelyd i Stavanger, og i 2017 tok og ho Helge over ein kristen bokhandel i Sandnes.

I dag eig dei fem kristne bokhandlar rundt om i Noreg, samla saman under namnet Bibelbutikken.

 

https://image.dagen.no/1468908.webp?imageId=1468908&width=960&height=548&format=jpg

 

Det er ikkje tilfeldig at ho har kalla butikkjeda opp etter bøkenes bok.

– Å få formidla denne boka er helt fantastisk, seier ho.

Ofte lurer kundar på kor i Bibelen dei skal byrja å lesa. Da svarer Jorunn:

– Begynn på Matteus, Markus, Lukas eller Johannes. Ikkje tenk at du skal forstå det. Berre les og kjenn kva det gjer med deg. 

Forstod kva som hadde skjedd

15 år etter at Jorun sjølv slutta å lesa i Bibelen, og trua hadde begynt å venda tilbake, opplever ho å høyre ein lydlaus stemme inni seg som seier:

«Jorun. Det var eg som lukka Bibelen for deg. Du måtte få Jesusbrillene på deg».

Då skjøna Jorunn endeleg at det opphaldet i bibellesinga ikkje handla om at det var ho som ikkje var flink nok.

– Det var veldig frigjerande.

 

https://image.dagen.no/1481526.webp?imageId=1481526&x=0.00&y=0.00&cropw=100.00&croph=100.00&width=960&height=720&format=jpg

 

Ho er overtydd om at Gud grip inn når menneska sjølv kjem til kort. 

Ho trur det skjedde då ho stilte ultimatumet til Gud i finmarksnatta, gjennom møtet med døden i India, i andaktsboka hos pasienten, i bøna om å få Helge og synet av Jesus på korset.

– Det var Gud, alt saman, seier Jorun i dag.

– Gud held det han lovar. Han har vist meg vegen eg skal gå, mange gonger. Det stemmer det som står i Bibelen.

jorun eiane brunstad korsets seier bibelen tro gud bibelbutikken